Dermatoloq – dərinin quruluşu və funksiyalarını, dermatoloji xəstəlikləri olan xəstələrin profilaktikası, diaqnostikası, müalicəsi və reabilitasiyası ilə məşğul olan həkimdir.

Dermotologiyanın müxtəlif növləri mövcuddur: 

Trixoloq - saç problemlərinin müalicəsi ilə məşğul olan dermotoloqdur.

Dermatoloq-kosmetoloq – kosmetik problemlərin aradan qaldırılması ilə məşğul olan mütəxəssisdir. 

Dermatoloq-endokrinoloq - endokrinoloji xəstəliklər nəticəsində yaranan dəri xəstəliklərini müalicə edir.

Mikoloq - göbələkdən zədələnmiş dərini müalicə edir.

Dermatoloq-onkoloq - dəri xərçənginin müalicəsində iştirak edir.

Dermatoloq-immunoloq - dərinin otoimmün xəstəliklərini diaqnoz qoyur və müalicə edir.

Dermatoveneroloq iki sahəni kurasiya edir-dermatoloji xəstəliklərin və cinsi yolla keçən xəstəliklərin diaqnostikası, müalicəsi, profilaktikası ilə məşğul olur.

Funksiyalar:

• Dəri xəstəliklərinin aşkarlanması və aradan qaldırılması;
• Xəstəlikdən zədələnmiş dərinin hissəsinin öyrənilməsi;
• Müxtəlif dermatoloji prosedurların təşkili;
• Dəri yoluxucu patologiyası aşkar edildikdə, epidemiya əleyhinə tədbirlərdə iştirak.

Zəruri keyfiyyətləri:

• Psixoloji həssaslıq; 
• Məsuliyyət; səbir;
• Ünsiyyət; sadiqlik; 
• Konsentrasiya; 
• Səliqəlik; 
• Əzmkarlıq.

Dermatoloq olmaq üçün tələblər:

• 6 il ümumi tibb təhsilin alınması;
• 4 il rezidentura təhsilin alınması.

Qrup: IV

Təhsil istiqamətləri:

Tibb

Təhsil ala biləcəyiniz ali təhsil müəssisələri:

1. Azərbaycan Tibb Universiteti

2. Naxçıvan Dövlət Universiteti

3. İ.M.Seçenov adına Birinci Moskva Dövlət Tibb Universitetinin Bakı filialı