Aktyor – müxtəlif obrazları təcəssüm etdirən, filmlərdə, reklam çarxlarında, videokliplərdə teatrda və sirkdə müxtəlif rolları ifa edən şəxsdir. Bu peşə bir obrazdan digərinə keçid etmək və tamaşaçıya təsir etməyi bacarmaq – onda hiss və emosiyalar oyatmaq, onu düşünməyə sövq etmək sənətinə əsaslanır.

Funksiyalar:

• Personajın xarakterini təhlil etmək və öyrənmək;
• Obraza girmək;
• Transformasiya və improvizasiya etmək;
• Rolunun mətnini yadda saxlamaq;
• Məşqlərdə fəal iştirak etmək;
• Zəruri hallarda tanınmış şəxsiyyətlərin həyat hekayələri, tərcümeyi-halı ilə tanışlıq;
• Kamera qarşısında və səhnədə çox sayda insan qarşısında çıxış etmək.

Zəruri keyfiyyətlər:

• Bir obrazdan digərinə keçid etmək bacarığı;
• Janr-rol xüsusiyyətlərini bilmək;
• Şifahi təsvir əsasında bir obrazı yaratmaq bacarığı;
• Səhnədə, kamera qarşısında, tamaşaçıların önündə çıxış etmək bacarığı;
• Musiqi və xoreoqrafik bacarıqlar;
• Qüsursuz nitq və artikulyasiya;
• Ədəbi qabiliyyət;
• Təxəyyül və yaradıcılıq qabiliyyəti;
• Yaradıcılıq, harmoniya hissi, ritm hissi, inkişaf etmiş estetik və bədii zövq;
• Səhnə cazibəsinə sahib olmaq (emosional ifadəlilik, səhnədə tərəfdaşlarla təbii şəkildə ünsiyyət qurma bacarığı, tamaşaçıları cəlb etmə bacarığı).

Aktyor olmaq üçün tələblər:

Sözügedən istiqamət üzrə təhsilin olması;

Müvafiq kurslarda iştirak etmək; 

Lazımi zərüri keyfiyyətləri inkişaf etdirmək. 

Qrup: V

Təhsil istiqamətləri:

Aktyor sənəti

Təhsil ala biləcəyiniz ali təhsil müəssisələri:

1. Azərbaycan Dövlət Mədəniyyət və İncəsənət Universiteti

2. Naxçıvan Dövlət Universiteti